राहुल गांधींना धमकी देणाऱ्या भाजप प्रवक्त्याला अटक करा

कराड/प्रतिनिधी : –

लोकसभेतील विरोधी पक्षनेते खा. राहुल गांधी यांना केरळमध्ये भाजप प्रवक्ता पिंटू महादेवन यांनी उघडपणे गोळी घालण्याची धमकी दिल्याप्रकरणी कराडमध्ये काँग्रेस कार्यकर्त्यांनी तीव्र निषेध व्यक्त करून त्यांच्या अटकेची मागणी केली.

या निषेधाच्या पार्श्वभूमीवर कराड दक्षिण विधानसभा मतदारसंघातील काँग्रेस कार्यकर्त्यांनी एकत्र येत तहसीलदारांना निवेदन सादर केले. या निवेदनाद्वारे केरळ राज्याच्या मुख्यमंत्री यांना संबोधित करून संबंधित प्रवक्त्याला तातडीने अटक करून कठोर कारवाई करावी, अशी मागणी करण्यात आली.

यावेळी बोलताना जिल्हाध्यक्ष रणजीतसिंह देशमुख म्हणाले, राहुल गांधी यांनी संविधान बचावासाठी देशव्यापी चळवळ उभी केली आहे. मात्र, या विचारांना दाबण्याचा प्रयत्न भाजप करत आहे. भाजप प्रवक्त्याचे वक्तव्य हे महात्मा गांधींच्या हत्येची आठवण करून देणारे असून, लोकशाहीला गळा घालणारे आहे. त्यामुळे काँग्रेस पक्ष या घटनेचा जाहीर निषेध करतो आणि याप्रकरणी तातडीने कारवाईची करण्यात यावी.

यावेळी सातारा जिल्हा काँग्रेस कमिटीचे अध्यक्ष रणजितसिंह देशमुख, महाराष्ट्र प्रदेश ओबीसी विभागाचे अध्यक्ष भानुदास माळी, प्रदेश काँग्रेस कमिटीचे सरचिटणीस अजितराव पाटील, राजेंद्र चव्हाण, माजी जि. प. सदस्य निवासराव थोरात, पाटील, अधिकराव गरुड, दिग्विजय सूर्यवंशी,  सुभाषराव पाटील, विठ्ठलराव शिखरे, नानासो जाधव, दीपक पाटील, गजानन आवळकर, संजय माळी, दत्तात्रय काशीद, शशिकांत महापुरे, नितीन पाटील, आनंदराव जाधव, शंकरराव पवार, कराड चे माजी नगरसेवक अशोकराव पाटील, प्रदीप जाधव, संतोष जगताप, पंकज पिसाळ, भीमराव पाटील, शब्बीर मुजावर, देवदास माने, जयवंतराव पाटील, सुरेश भोसले, सयाजी पाटील आदिसह काँग्रेस कार्यकर्ते मोठ्या संख्येने उपस्थित होते.