कराड/प्रतिनिधी : –
य. मो. कृष्णा सहकारी कारखाना व कृष्णा हॉस्पिटल यांच्या संयुक्त विद्यमाने ऊसतोड कामगार व माता-बालक आरोग्य तपासणी व उपचार शिबीर आयोजित करण्यात आले होते. या शिबीरामध्ये १७० जणांची आरोग्य तपासणी व त्यांच्यावर मोफत उपचार करण्यात आले. कारखान्याचे मॅनेजिंग डायरेक्टर बाजीराव सुतार यांच्या हस्ते शिबीराचे उद्घाटन करण्यात आले.
यावेळी बोलताना मॅनेजिंग डायरेक्टर बाजीराव सुतार म्हणाले, कारखान्याचे चेअरमन डॉ सुरेश भोसले नेहमीच ऊसतोड मजुरांसाठी अनेक उपक्रम राबवित असतात. ऊसतोड मजुरांनी आरोग्याची काळजी घेतली पाहिजे. काम करत असताना शरीराची काळजी घेऊन काम केले पाहिजे.
शिबीराची सुरवात दिपप्रज्वलनाने करण्यात आली. जनरल मॅनेजर केन दादासाहेब शेळके, ऊसविकास अधिकारी पंकज पाटील, डॉ. हर्षल निकम यांची प्रमुख उपस्थीती होती. डॉ.सचिन जगताप, डॉ.आरगो स्वामी, डॉ. सर्वेश दिक्षित, डॉ.शुभम शहा, डॉ.साई चरण, डॉ. श्रेया कतारे, शिक्षिका राधिका लोखंडे, स्वाती चोपडे, मानसी चोपडे, मयुरी वडकर, अमृता धर्मे,अश्विनी गायकवाड, दीपाली हुलवान यांचे शिबिरास सहकार्य लाभले.
