स्व. यशवंतराव चव्हाण कृषि प्रदर्शनाच्या मंडप उभारणीस प्रारंभ

कराड/प्रतिनिधी : –

शेती उत्पन्न बाजार समितीच्या वतीने दरवर्षी भरविणेत येणारे स्व. यशवंतराव चव्हाण कृषि प्रदर्शन येत्या 26 ते 30 डिसेंबर दरम्यान होणार आहे. यंदाचे 20 वे वर्ष असून कृषि व औद्योगिक स्तरावरील नवनवीन तंत्रज्ञान यावेळी पहाता येणार आहे. या प्रदर्शनाच्या तयारीसाठी मंडप उभारणीचा शुभारंभ आज बुधवार दि 17 रोजी रयत सहकारी कारखान्याचे चेअरमन ॲड. उदयसिंह पाटील – उंडाळकर यांचे शुभहस्ते शुभारंभ करणेत आला.

यावेळी बाजार समितीचे सभापती शंकरराव उर्फ सतीश इंगवले, उपसभापती नितीन ढापरे, बाजार समितीचे संचालक प्रकाश पाटील, विजयकुमार कदम, संभाजी काकडे, संभाजी चव्हाण, सर्जेराव गुरव, राजेंद्र चव्हाण, जगन्नाथ लावंड, जयंतीभाई पटेल, गणपत पाटील, प्रभारी सचिव आबासो पाटील, यांच्यासह मान्यवरांची उपस्थिती होती. प्रारंभी संचालक सर्जेराव गुरव, कोयना बँकेचे संचालक संपतराव बडेकर यांचे हस्ते विधीवत पुजन करणेत आले. शेतक-यांनी शेतक-यासाठी भरविलेले देशातील हे एकमेव प्रदर्शन असून शेतक-यांच्या सर्वागीन उन्न्तीसाठी लागणारे ज्ञान यामधून मिळणार आहे. प्रदर्शनात कृषि व औद्योगिक स्तरावरील विविध बाबी तसेच शेती पध्दतीमध्ये (AI) पध्दतीने शेती कशी करावी याबाबतचे मार्गदर्शन पहायला मिळणार आहे.

याकामी शासन कृषि विभाग, जिल्हा परिषद सातारा, जिल्हा परिषद पशुसंवर्धन विभाग व महसूल विभाग, आत्मा विभाग, कराड व मलकापूर नगरपरिषद आदीचे मोठे सहकार्य लाभत आहे.

मंडपाचे भूमिपूजन झालेनंतर ॲड. उदसिंह पाटील – उंडाळकर म्हणाले, शेतक-यांच्या हितासाठी बाजार समिती तत्पर आहे. शेतक-यांना केंद्र बिंदू मानून हि संस्था कार्यरत आहे. प्रदर्शनामधून शेतक-यांच्या ज्ञानात भर पडणार आहे. शेतीमध्ये यांत्रिकीकरण मोठया प्रमाणांत व्हावे हा उददेश यामागे आहे. यावर्षी 400 स्टॉल सहभागी होणार आहे.

यावेळी प्रदर्शनाच्या मंडप व्यवस्थेची माहिती देताना धिजर तिवारी म्हणाले पिलरलेस डोममध्ये वॉटर फ्रुप मंडप उभारण्यात येणार आहे. त्यामध्ये 400 स्टॉल्स व स्वतंत्र पशु-पक्षी दालन, आरोग्य विभागाचे विशेष् दालन तसेच नवीन तंत्रज्ञान युक्त स्टॉलचा समावेश असणार आहे.  उंची मंडपामुळे मंडपात हवा खेळती राहणार आहे. मंडप व परिसरात सर्व सोई सुविधा असणार असून शेतकरी हित डोळया समोर ठेवून शेतकरी बांधवासाठी 100 स्टॉल मोफत देण्यात येणार आहेत.

यावेळी माजी जि. प. सदस्य प्रदिप पाटील, प्रा. धनाजी काटकर, रयत कारखान्याचे व्हा. चेअरमन आप्पासाहेब गरुड, हणमंतराव चव्हाण, संपतराव इंगवले, खरेदी विक्रीचे चेअरमन अनिल मोहीते, उत्तमराव जगताप, श्रीमंत काटकर, यशवंत बँकेचे चेअरमन महेशकुमार जाधव, कोयना दुध संघाचे व्हा. शिवाजीराव जाधव, स्वा. सै. शामराव पाटील पतसंस्थेचे चेअरमन शहाजी शेवाळे, व्हा. चेअरमन सिध्दनाथ घराळ, बाजार समितीचे माजी सभापती मोहनराव माने, माजी उपसभापती अशोक पाटील-पोतलेकर, माजी प. सं. उपसभापती आनंदराव सुतार, माजी उपसभापती सुनिल पाटील, रोहीत पाटील, विजयसिंह यादव, अधिकराव गरुड, हिम्मत थोरात, संपतराव बडेकर, वसंत पाटील, सचिन पाटील तसेच डायनॅमीक इव्हेंटचे मॅनेजर धीरज तिवारी यांचे सह शासकीय अधिकारी, पदाधिकारी व कर्मचारी मोठया संख्येने उपस्थित होते.