स्व प्रेमलाकाकी व स्व आनंदराव चव्हाण यांचा स्मुर्तीदिन विजयनगरमध्ये साजरा 

कराड/प्रतिनिधी : –

येथील प्रेमलाकाकी माध्यमिक विद्यालय विजयनगर येथे स्व. प्रेमलाकाकी चव्हाण ( काकी), स्व. आनंदराव चव्हाण (काका) आणि स्व. रामचंद्र राघोजी पाटील (दादा) यांचा स्मुर्तीदिवस साजरा करण्यात आला. आदरणीय स्व. प्रेमलाकाकी चव्हाण, स्व. आनंदराव चव्हाण आणि स्व. रामचंद्र पाटील यांच्या प्रतिमेस पुष्पहार घालून त्यांना अभिवादन करून त्यांच्या प्रतिमेसमोर दिपप्रज्वलन करण्यात आले. यावेळी विधानपरिषदेचे माजी आमदार  आनंदराव पाटील ( नाना) तसेच कार्यक्रमाचे प्रमुख पाहुणे म्हणून कोल्हापूरचे ऍड  सुरेशराव कुराडे, मलकापूर रोटरी क्लब चे डायरेक्टर सलीम भैया मुजावर,उद्योजक आर. टि. स्वामी, मुंढे गावचे माजी सरपंच आनंदराव जमाले (दाजीमामा),मुंढेचे उपसरपंच रमेश लवटे,विजयनगर चे माजी उपसरपंच विश्वासराव पाटील (अण्णा), विजयनरचे माजी सरपंच संजय शिलवंत,दिलीपराव पाटील,विजराव कदम,डी. डी. यादव,बबन शिर्के, नागेंद्र कोरे, काशिनाथ जाधव,प्रल्हाद संकपाळ, नवनाथ यादव,शिवाजीराव जाधव, विद्यालयाचे मुख्याध्यापक चव्हाण, शिक्षक व कर्मचारी विद्यार्थी तसेच विजयनगर मुंढे पाडळी येथील ग्रामस्थ मोठ्या संख्येने उपस्थित होते.

यावेळी बोलताना माजी आमदार आनंदराव पाटील म्हणाले, माझ्या राजकीय जीवनामध्ये आदरणीय स्व. प्रेमलाकाकी चव्हाण ( काकी) यांचा मोलाचा वाटा आहे. स्व. प्रेमलाकाकी यांनी मला दिलेला राजकीय आधार व खंबीर साथ मी शेवटच्या श्वासापर्यंत कधीही विसरु शकत नाही. काकींनी आपल्या पुनर्वसन गावासाठी खूप मदत केली.त्यांनी दाखवलेल्या वाटेवरती चालण्याचा व सुसंस्कृत पणा जपण्याचा मी आजही काटेकोरपणे प्रयत्न करत आहे. त्याच प्रमाणे विद्यार्थ्यांनि देखील आपल्या शालेय जीवनामध्ये अशा महान व्यक्तीमहत्वाचा आदर्श डोळ्या समोर ठेऊन शिक्षण घेतले पाहिजे व त्यांचे विचार अंगीकृत केले पाहिजेत असे सांगत नानांनी विद्यार्थ्यांना प्रेमलाकाकी विद्यालय मध्ये विविध उपक्रम राबवून शिक्षकांनी विद्यार्थ्यांना वेगवेगळ्या पद्धतीने कसे प्रेरित केले पाहिजे याचे मार्गदर्शन केले.

प्रमुख पाहुणे म्हणून कोल्हापूर चे ऍड. सुरेशराव कुराडे यांनी विद्यार्थ्यांना स्व. प्रेमलाकाकी चव्हाण यांच्या काळातील काही आठवणी सांगितल्या काकींनी कार्यकर्त्यांवर भरभरून प्रेम केले नानांच्या पाठीशी खंबीर पण उभ्या राहिल्या. त्यांनी कधीही कार्यकर्त्याला अंतर पडू दिले नाही असे सांगत विद्यार्थ्यांना भावी जीवनामध्ये यशस्वी होण्यासाठी गावचे नाव मोठे करण्यासाठी कायम प्रयत्न करत राहिले पाहिजे. वक्तृत्व, कला, क्रीडा आदी स्पर्धाच्या माध्यमातून शाळेचे नाव उच्च स्थराला न्यायला हवे असे सांगत मोलाचे मार्गदर्शन केले.आज आम्ही कोणत्या परिस्थितीमधून इथंपर्यंत पोहचू शकलो त्यासाठी आम्ही किती अडचणींना सामोरे गेलो व यशस्वी झालो याबदल सांगून विद्यार्थ्यांना प्रेरित केले.

मलकापूर रोटरी क्लबचे डायरेक्टर  सलीम भैया मुजावर म्हणाले स्व. प्रेमलाकाकी यांच्या नेतृत्वाखाली माजी आमदार आनंदराव पाटील यांनी विकासात्मक योजना गावामध्ये राबवून गावाचा शैक्षणिक विकासाचा दर्जा या विद्यालयाच्या माध्यमातून वाढवला त्याच पद्धतीने विद्यार्थ्यांना राज्य सेवा, लोकसेवा या परीक्षेकडे आकर्षित होऊन अधिकारी म्हणून शाळेचे व गावचे नाव वाढवावे हिच खरी स्व. प्रेमलाकाकींना श्रद्धांजली ठरेल असे विद्यार्थ्यांना आव्हान केले.

मलकापूरचे उद्योजक आर. टी. स्वामी यांनी देखील शिक्षकांनानि विद्यार्थ्यांना वेगवेगळ्या उपक्रमामध्ये सहभागी करावे त्यातून विद्यार्थ्यांचे शारीरिक व शैक्षणिक विकास करावा असे आव्हान केले वक्तृत्व स्पर्धे मध्ये यशस्वी विद्यार्थ्यांना त्यांनी आर्थिक स्वरूपात बक्षीस वितरण केले.यानंतर विजयराव कदम, विश्वास पाटील, कोल्हापूरचे राहुल धायवळ यांनी काकींना अभिवादन करून विद्यार्थ्यांना प्रेरित असे मार्गदर्शन केले.

त्यानंतर विद्यालयातील वक्तृत्व, चित्रकला, वेशभूषा, विविध स्पर्धे मध्ये क्रमांक मिळविलेल्या विद्यार्थ्यांना प्रमुख पाहुण्यांच्या उपस्थितीत प्रशस्ती पत्र व शाल श्रीफळ देऊन गौरविण्यात आले.  सलीम भैया मुजावर यांनी शाळेला विद्यार्थ्यांना स्वच्छ पाणी मिळणेसाठी नवीन फिल्टर टाकी देण्याची घोषणा केली.काकींच्या स्मुर्ती दिनानिमित्त दर वर्षी वेगवेगळे उपक्रम राबवून हा स्मुर्तीदिनाचा कार्यक्रम पार पडत असतो. शाळेच्या वतीने उद्योजक मुख्याध्यापक  चव्हाण सर यांनी आभार मानले.