कराड/प्रतिनिधी : –
शैक्षणिक व संशोधन क्षेत्रामधील उल्लेखनीय कामगिरीबद्दल कर्वे समाजसेवा संस्थेच्या सेंटर फॉर मेंटल हेल्थ अँड डीसएबिलीटीजचे अध्यक्ष सहा. प्रा. चेतन दिवाण यांचा राज्याचे माजी मंत्री बबनराव पाचपुते यांच्या हस्ते, तसेच सनराईज ग्रुप ऑफ इन्स्टिट्यूटचे संस्थापक अध्यक्ष सतीश शिंदे, सनराईज प्रशालेच्या मुख्याध्यापिका सौ. राजश्री शिंदे यांच्या प्रमुख उपस्थितीत यावर्षीचा शैक्षणिक योगदानाबद्दल सनराईज शैक्षणिक पुरस्कार प्रदान करून गौरव करण्यात आला.
श्रीगोंदा येथे पार पडलेल्या या सोहळ्यासाठी विविध क्षेत्रातील मान्यवर, शिक्षक, पालक, तसेच विद्यार्थी मोठ्या संख्येने उपस्थित होते. यावेळी सनराइज् ग्रुप ऑफ इन्स्टिट्यूटच्या वतीने माजी मंत्री बबनराव पाचपुते यांना जीवनगौरव, सावित्रीबाई फुले पुणे विद्यापीठाच्या मराठी विभागाचे प्रमुख प्राध्यापक संदीप सांगळे यांना शैक्षणिक, ग्रामीण विकास केंद्र जामखेडचे ॲड. डॉ. अरुण जाधव यांना सामाजिक, नाशिकचे अप्पर जिल्हाधिकारी अरुण आनंदकर यांना प्रशासकीय सेवा, आमदार संग्राम जगताप यांचे बंधू तथा जिल्हा परिषद सदस्य सचिन भाऊ जगताप यांना कृषी, रुक्मिणी सहकारी बँक श्रीगोंदाचे चेअरमन सीए वसंतराव गुंड यांना बँकिंग, सुरज इंजीनियरिंगचे नानासाहेब शिंदे यांना उद्योजकता, तसेच दैनिक प्रभात श्रीगोंदाचे तालुका प्रतिनिधी योगेश चंदन यांना पत्रकारिता या क्षेत्रातील कार्याबद्दल सनराईज पुरस्कार प्रदान करून सन्मानित करण्यात आले.
सहा. प्रा चेतन दिवाण यांच्या या पुरस्काराबद्दल कर्वे समाजसेवा संस्थेच्यावतीने संस्थेच्या विश्वस्त मंडळाचे अध्यक्ष मधुकर पाठक, व्यवस्थापन समितीचे अध्यक्ष विनायक करळे, संचालक डॉ. महेश ठाकूर, विविध क्षेत्रातील मान्यवर, शिक्षक, शिक्षकेतर कर्मचारी, विद्यार्थ्यांच्या वतीने अभिनंदन करण्यात आले.
