मनोजदादांना कोणीही अडवू शकत नाही  – चित्राताई वाघ

कराड उत्तर विधानसभा मतदारसंघातून मनोजदादा घोरपडे आमदार म्हणून भरघोस मतांनी विजयी झाल्याबद्दल मत्त्यापुर (ता. कराड) येथे स्वाभिमानी महिला सुखी मंचच्या वतीने सत्कार, हळदी कुंकू, भाजप सदस्य नोदणी असा एकत्रित कार्यक्रम आयोजित करण्यात आला होता. सदर कार्यक्रमात मार्गदर्शन करताना त्या बोलत होत्या. यावेळी समता घोरपडे, चित्रलेखा माने कदम, तेजस्विनी घोरपडे, मंगलताई घोरपडे, प्रियाताई शिंदे, रीना घोरपडे, अंजली जाधव यांची उपस्थिती होती.

आ. मनोज घोरपडे म्हणाले, माझ्या विजयामध्ये उपस्थित माता-भगिनींचा सिंहाचा वाटा आहे. ज्याप्रमाणे प्रचारात मी पायाला भिंगरी बांधली होती. त्याचप्रमाणे सर्व माता-भगिनी घरातून बाहेर पडून माझ्यासाठी प्रचार करत होत्या. स्वाभिमानी महिला सखी मंच माध्यमातून आजपर्यंत महिलांसाठी अनेक उपक्रम राबवले असून यापुढेही स्वाभिमानी महिला सखी मंच माध्यमातून महिलांच्या अडीअडचणी सोडवण्यासाठी कार्यरत राहणार आहे.

मनोगतात चित्रलेखा माने-कदम यांनी कराड उत्तरमध्ये मनोजदादांच्या विजयासाठी भाजपच्या सर्व पदाधिकाऱ्यांनी प्रामाणिक प्रयत्न केल्याने त्यांचा विजय साकार झाल्याचे सांगितले. प्रिया शिंदे यांनी मनोजदादांचे महिलांसाठी असणारे कार्य कौतुकास्पद असल्याचे सांगितले. तेजस्विनी घोरपडे यांनी कराड उत्तरमधील माता-भगिनी आमचे कुटुंबच असून त्यांची काळजी घेणे आमच्या संपूर्ण घोरपडे कुटुंबियांची जबाबदारी असल्याचे सांगितले. तर समता घोरपडे यांनी आमदार मनोजदादा संपूर्ण कराड उत्तरमधील माता-भगिनींचे दादा असून ते त्यांच्या सुखदुःखामध्ये कायमच सोबत राहतील.

याप्रसंगी होम मिनिस्टर फेम दीपक साबळे यांच्या खेळ पैठणीच्या कार्यक्रमाने महिलांचे चांगलेच मनोरंजन झाले. याप्रसंगी विविध बक्षिसांची खैरात वाटण्यात आली. तेजल शिंदे, धनश्री काटकर यांच्या नृत्याविष्कारावर उपस्थित महिलांनी ठेका धरल्याचे दिसून आले.

यावेळी विश्रांती साळुंखे, विजया गुरव, सारिका निकम, पायल जाधव, स्वाती डहाणे, प्रतिभा कांबळे, सीमा घार्गे, रूपाली घाडगे, अमिता जाधव यमुना जाधव, स्नेहल कांबळे, प्रभावती सूर्यवंशी, विजया पवार सुनिता मगर, रूपाली मोहिते, शुभांगी माने, शशिकला जाधव, प्रज्ञा देशमाने, पल्लवी साळुंखे, सुजाता उपरे, राजश्री घार्गे, धनश्री सावंत यांच्यासह स्वाभिमानी महिला सखी मंच व भारतीय जनता पार्टी पदाधिकारी कराड उत्तरमधील माता-भगिनी मोठ्या प्रमाणात उपस्थित होत्या.