स्व. जयवंतराव भोसलेंमुळे कृष्णाकाठी समृद्धी – डॉ. वसंत भोसले

य.मो. कृष्णा सहकारी साखर कारखान्यात सहकारमहर्षी स्व. जयवंतराव भोसले (आप्पासाहेब) यांच्या जन्मशताब्दीचे औचित्य साधून आयोजित केलेल्या ‘आजचा महाराष्ट्र ‘ या विषयावरील व्याख्यानात ते बोलत होते.

डॉ. भोसले पुढे म्हणाले, सहकारमहर्षी स्व. जयवंतराव भोसले आप्पासाहेबांनी समाजाच्या उभारणीसाठी शाश्वत मूल्ये दिली. म्हणूनच अशा थोर नेत्यांची जयंती साजरी केली जाते. आप्पासाहेब यांनी कृष्णाकाठावर सर्वोत्तम अशा संस्था उभारल्या. आज कृष्णा कारखाना आणि कृष्णा उद्योग समूह म्हटले की अभिमान वाटतो.

महाराष्ट्रात पहिल्या पाच कारखान्यापैकी कृष्णा कारखाना आहे. विकासाचे ध्येय घेऊन आप्पासाहेब यांनी काम केलं. समृद्ध झालेला परिसर पाहिल्यावर खूप आनंद झाला. कराडची ओळख म्हणून कृष्णा हॉस्पिटलला ओळखले जाते. इथे उत्तम रुग्णसेवा दिली जाते. त्याचबरोबर उच्च दर्जाचे शिक्षण दिले जाते.

महाराष्ट्रात संतांची भूमिका लोकप्रबोधनाची होती. अंधश्रद्धा दूर करण्याची भूमिका त्यांनी मांडली. संतांचे आणि महापुरुषांचे विचार आजच्या पिढीने जोपासावेत, असे आवाहन डॉ. वसंत भोसले यांनी केले.

यावेळी कराड तालुका साखर कामगार संघाचे अध्यक्ष एम के कापूरकर, बाळासाहेब पाटील यांच्यासह अधिकारी कर्मचारी, प्राध्यापक, विद्यार्थी व विद्यार्थीनी मोठ्या संख्येने उपस्थित होते.