उत्तरेतील प्रस्थापितांची हुकूमशाही मोडीत काढणार – अजय सूर्यवंशी

कराड उत्तर विधानसभा मतदारसंघातून अजय सूर्यवंशी यांनी आपला अपक्ष उमेदवार म्हणून आपला उमेदवारी अर्ज दाखल केला. यावेळी त्यांचे समर्थक युवक, महिला, ज्येष्ठ नागरिक व ग्रामस्थ उपस्थित होते.

अजय सूर्यवंशी हा एका सामान्य घरातील युवक उमेदवार म्हणून निवडणूक लढवत आहे. त्याला लोकांच्या प्रश्नांची जाण असून उत्तरेतील सुज्ञ मतदारही त्याच्या पाठीशी ठामपणे उभा राहील, असा विश्वास ज्येष्ठ नागरिकांनी व्यक्त केला.

तसेच गेले दहा वर्ष कराड उत्तर विधानसभा मतदारसंघात सर्वसामान्यांच्या प्रश्नांना वाचा फोडण्याचे काम अजय सूर्यवंशी यांनी त्यांच्या कामातून केले आहे. मतदारसंघातील अनेक नागरिकांना अद्याप घरकुल मिळाले नसून अन्य प्रलंबित रस्त्यांची कामे, शैक्षणिक संस्थांची उभारणी आणि मतदारसंघातील युवकांच्या हाताला काम देण्यासाठी बेरोजगारी निर्मूलन करण्याचा प्रयत्न करण्यासाठी या निवडणुकीला अजय सूर्यवंशी हे अपक्ष उमेदवार म्हणून सामोरे जात असल्याची माहिती त्यांच्या समर्थकांनी यावेळी दिली.